महंत कवी राज शास्त्री
हे शब्द अंतरीचे # 187
☆ पहिला पाऊस… ☆ महंत कवी राज शास्त्री ☆
☆
पहिला पाऊस पडला ,
मनाचा गाभारा खुलला
अशांत मन स्थितीला,
शांतीपद देता झाला…०१
*
पहिला पाऊस पडला,
प्राची शहारली गहिवरली
तप्त रखरखीत वाळवंट,
न कळत दशा बदलली…०२
*
पहिला पाऊस पडला,
नदीला शिगेची आस लागली
ओढा अवखळ होता होता,
सागराची उत्कंठा वाढली…०३
*
पहिला पाऊस पडला,
आसमंत शीतल जाहले
बळीराजा सुखावून जाता
ज्वारी दाणे मौक्तिक बनले…०४
*
पहिला पाऊस पडला
निरभ्र झाले आकाश सारे
दमट वातावरण खुलून जाता
सर्वांचेच झाले, वारे न्यारे…०५
*
पहिला पाऊस पडला,
राज ला कविता सुचली
निसर्गाच्या करामती,
रचनेला लय लाभली…०६
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
