डॉ. शैलजा करोडे
कवितेचा उत्सव
☆ “काकस्पर्श…” ☆ डॉ. शैलजा करोडे ☆
☆
कावळ्यांना आलेत चांगले दिवस
पितृपंधरवडा सुरू झालाय
नेहमी अन्नाच्या शोधात काक
स्पर्शासाठी मानपान घेऊ लागलाय
*
स्पर्श करता काकने म्हणे
पितरांनी घेतलंय भोजन
जिवंतपणी करत असतात
अर्धपोटी, तर कधी उपोषण
*
पिंडाला शिवता कावळा जाणतसे
पितरं झालेत आता संतुष्ट
हयातीत मात्र तयांना
दिलेले असतात अपार कष्ट
*
सेवा करा हो माता पित्यांची
जिवंतपणी खाऊ घाला सगळं
मग नाही केलंत तर्पण पिंडदान
तरीही काही घडणार नाही वेगळं
☆
© डॉ. शैलजा करोडे (काव्यशलाका)
नेरुळ नवी मुंबई मो. 9764808391
ईमेल – [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
