श्री अनिल वामोरकर
कवितेचा उत्सव
☆ विसरु कसा मी गुरुचरणांना… ☆ श्री अनिल वामोरकर ☆
☆
नव्हतो मी आस्तिक फार
सदगुरुंनी धरता हात बदलून गेलो चौफेर…
*
मी माझे एवढेचि होते विश्व
व्यापक झाले माझे भाव..
*
नव्हते धन माझ्या गाठी
मिटली चिंता सदगुरु असता पाठी..
*
मनात नेहमी विचार नकारात्मक
सहवासे सद्गुरुंच्या येती विचारही सकारात्मक…
*
गुरफटलो मी नात्यागोत्यात
आता हवाहवासा वाटे एकांत…
*
जगलो मी कुटुंबासाठी
वेळ देतो मी आता स्वतः साठी….
*
बदलली मम् दशा अन् दिशाही
आता सदगुरुशिवाय दिसेना मज काही…
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
