श्री प्रमोद वामन वर्तक
कवितेचा उत्सव
☆ सुखी माणसाचा सदरा ! ☆ श्री प्रमोद वामन वर्तक ☆
☆
“मीच जगी सर्वात सुखी”
मंत्र जपा सतत मनात,
ठेवा असं आपलं वागण
सदा होई वाहवा जनांत !
*
हात सढळ तुमचा ठेवा
यथाशक्ती मदतीसाठी,
बना काठी आंधळ्याची
दिन दुबळ्या लोकांसाठी !
*
हाकून शेळ्या उंटावरूनी
उगा उपदेश करू नका,
जरी दिसला झगडा समोर
तरी नाक खुपसू नका !
*
करून कर्तव्य गृहस्थाश्रमी
भाजा भाकऱ्या लष्कराच्या,
चुकवू नका कधीच तुम्ही
संधी कुठल्या लोकसेवेच्या !
*
मिळून मिसळून लोकांमध्ये
सन्मार्गाने जीवन आचरा,
मग लोकं मागती मनापासूनी
द्या तुमचा सुखी सदरा !
द्या तुमचा सुखी सदरा !
☆
© प्रमोद वामन वर्तक
१२-१०-२०२४
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
