सौ. वंदना अशोक हुळबत्ते
कवितेचा उत्सव
☆ बघ बंध तोडून… ☆ सौ. वंदना अशोक हुळबत्ते ☆
☆
जीवघेणा हा अबोला
कसा सहन करतेस ?
सारे दुःखाचे कढ
एकटीच का पचवतेस ?
*
सांगून तर बघ एकदा
मन थोडं होईल हलकं
नको मानू मला तू परकं
*
स्वतःच विणलेल्या कोषात
किती दिवस फिरणार ?
कोष तुलाच तोडावा लागणार
*
उदासीनतेच्या प्रेशरला
बघ शिटी देऊन
उदासीनता जाईल निचरून
*
ऐक माझं
बघ एकदा जमतं का ?
दडपणाचे झाकण उघडून
कोंडलेलं मन जाईल आनंदून
*
स्वतःला दोष देणं दे सोडून
सुख तुला जोजवेल
हाताचा पाळणा करून
*
आस धर उद्याची
अबोला दे सोडून
दुःखाशी कर सामना
टेंशन जाईल घाबरून……
☆
© सौ.वंदना अशोक हुळबत्ते
मो.९६५७४९०८९२
सांगली
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
