श्री शरद कुलकर्णी
कवितेचा उत्सव
☆ तह… ☆ श्री शरद कुलकर्णी ☆
☆
युद्धाचे परिणाम माहीत नसल्यामुळेच..
तिने लढाया केल्या.
मला कारणं माहीत होती,
म्हणूनच मी तह केले.
त्यांनी विजोड जोड्या लावल्या
म्हणून आम्हीही गाळलेले शब्द भरले.
व्यत्त्यासाने प्रमेये सिद्ध केली-
भूमितीची.
हातचे वापरुन गणितं सोडवली.. व्यवहाराची.
दुर्देवाचे सगळे फेरे….
प्रगतीबुकावर लाल शेरे.
तरीही पुढची यत्ता गाठली.
इतुके यश होते रगड.
अगदीच नव्हतो आम्ही दगड.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
