मेहबूब जमादार
कवितेचा उत्सव
☆ पीक गेलं कुजुनी … ☆ 
मेहबूब जमादार ☆
☆
पीक गेलं कुजुनी साऱ्या रानात आलं पाणी
शेतकऱ्यांनी कशी गायची खळ्यातली गाणी
*
गेले तीन महिनं सारा संसार मांडला रानी
कसा आलास अवकाळी गेलास सारं घेऊनी
*
अरे मेघ राजा असं काय केलं होतं आम्ही तुझं
असा कसा बरसलास रे झाली सारी आबादानी
*
पिकलं नाही रानात तर आम्ही कुठे रं जावाव
डोळा दाटत आभाळ, तुला सारी सांगता कहानी
*
ठिगळ जोडूनी जगतो, कसं शिवाव आभाळ
माती मोल झालं जिणं स्तब्ध झाली आमची वाणी
☆
© मेहबूब जमादार
मु. कासमवाडी,पोस्ट -पेठ, ता. वाळवा, जि. सांगली
मो .9970900243
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर
