प्रा डॉ जी आर प्रवीण जोशी
कवितेचा उत्सव
☆ दीप दीपावली… 
☆ प्रा डॉ जी आर प्रवीण जोशी ☆
☆
ती दीप होऊनी आली
रात सजवुनी गेली ।। धृ ।।
*
ती अवस शरदाची
ऋतु पालटत होता
गुलाबी मौसमात
नक्षत्रे लेवून आली
तम सर्वही सारून
चांदणे पिऊनी गेली ।। 1 ।।
*
नील आकाशी त्या
आकाश दिप
सजला होता
नक्षत्र माळेत ही
शुक्र चमकला होता
मुग्ध चांदणी एक
मनात हसून गेली ।। 2 ।।
*
कार्तिक मासही हा
पणत्या तेवत होत्या
मंद धुंद उजळीत
स्नेह पेरीत होत्या
दीपास अचानक का
काजळी धरत गेली ।। 4 ।।
*
थंडीची चाहूल ही
रात किड्यांना होती
त्रिपुरारी पुनवेला
सहस्त्र वाती भिजती
ते दीप नदीकाठी ही
सहज तरंगत होते ।। 5 ।।
*
ती दीप होऊनी आली
रात सजवुनी गेली
☆
© प्रो डॉ प्रवीण उर्फ जी आर जोशी
ज्येष्ठ कवी लेखक
मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
