श्री अनिल वामोरकर
कवितेचा उत्सव
☆ दीपावली… ☆ श्री अनिल वामोरकर ☆
☆
अहंपणाचं दिवाळं
विकारांना टाळं
तेव्हाच शाश्वत सुख मिळं
हीच खरी दिवाळी…
सत्कर्माचं ताट
मोक्षाची वाट
धरु सदगुरुंचे पाय
हीच खरी दिवाळी..
समाधानाची पणती
आनंदा नाही गिनती
साधनेवर प्रिती
हीच खरी दिवाळी..
भुकेलेल्या खीर
तहानलेल्या नीर
तेचि हो ईश्वर
हीच खरी दिवाळी…
नभी अंतरीच्या
तम जाईल लया
रिपूंचे फटाके लागले फुटाया
हीच खरी दिवाळी…
सर्वांना दिवाळीच्या अनंत शुभेच्छा… 🪔🏮💐
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
