प्रा डॉ जी आर प्रवीण जोशी
कवितेचा उत्सव
☆ आली दिवाळी दीप घेऊनी… 
☆ प्रा डॉ जी आर प्रवीण जोशी ☆
☆
*
आली दिवाळी दीप घेऊनी
गंधित चांदणे उटणे लेवूनी
*
शरद ऋतुचा मादक वास
गुलाबदाणी अत्तर सुवास
पहाट सुगंधी वारा खास
दवबिंदूंचा सडा शिंपुनी
*
गारव्या मध्ये मखमली रात
पणती मध्ये घालून वात
प्रेमळ स्पर्ष उजळे ज्योत
चांदणे पहाटे दवात दाटुनी
*
चंद्र चांदणे अनेक पणत्या
तमा मध्ये उजळीत होत्या
अनादी परंपरा गात होत्या
अनंत प्रवासी पथ दर्शवूनी
*
आली दिवाळी दीप घेऊनी
गंधित सुवास अत्तर पेरूनी
☆
© प्रो डॉ प्रवीण उर्फ जी आर जोशी
ज्येष्ठ कवी लेखक
मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
