श्री अनिल वामोरकर
कवितेचा उत्सव
☆ आताशा असे का होते? ☆ श्री अनिल वामोरकर ☆
☆
पशूपक्षीही मजसी बोलताहेत, असे वाटते
आताशा असे का होते?….
वेलीवरचे फूलही
मी जवळ जाताचब डोलते
वाटते आपुल्या सुगंधाने
ते मजसी बोलताहेत…
रविकिरणेही त्वरे
धावती मज स्पर्षण्या
वाटते मजसवे खेळताहेत…
घू घू करीत स्वैर समीर
बोलतो माझ्याशी
वाटे शाश्वत आनंदाची
सनई वाजवताहेत…
झाडांच्या पानांची
सळसळ
जणू गीत गात आहे
आपसुकच मीही सवे
गुणगुणत आहे…
रात्रीच्या समयी
तारकाही संवाद साधे
कर साधन, हो अढळ,
धृवापरी,
सांगताहेत..
आताशा असेच होते
ही सदगुरुंची कृपा होय
बोध दिला व्यापकतेचा
सद्गुरू दिसती मज
कणाकणात, चराचरात..
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
