श्री प्रमोद वामन वर्तक
कवितेचा उत्सव
सां ग ता ! श्री प्रमो वामन वर्तक
☆
मन झाले मोरपीस
वाऱ्यासवे हले-डुले,
रांगोळी इंद्रधनुची
अंगा अंगात फुले !
*
काय घडले कसे घडले
माझे मला न कळले,
धून ऐकून हरीची
नसेल ना तें चळले ?
*
मनी झाली घालमेल
चुके पावलांचा ताल,
आर्त स्वर बासरीचा
करी हृदयी घाव खोल !
*
झाले कावरी बावरी
शोधले परस दारी,
परि दिसे ना कुठेच
मज नंदाचा मुरारी !
*
जादू अशी मुरलीची
वाट दावे मज वनीची,
दिसता मूर्ती हरीची
झाली सांगता विरहाची !
झाली सांगता विरहाची !
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छान कविता