श्री प्रमोद वामन वर्तक
कवितेचा उत्सव
बुद्धी दाता आणि ज्ञान दाता ! श्री प्रमोद वामन वर्तक
साम्य वाटले मजला
PC आणि गणेशात,
सांगतो समजावून कसे
धरा तुम्ही ते ध्यानात !
साऱ्या विश्वाची खबर
लंबकर्ण कानी आकळे
साठवी माहिती जगातून
PCचे ते इंटरनेट जाळे !
सोंड मोठी वक्रतुंडाची
करी दुष्टांचे निर्दालन,
PC अँटीव्हायरस करतो
स्व जंतूचे बघा हनन !
ठेवतो लंबोदर उदरात
भक्तांच्या पाप पुण्याला,
PCची हार्डडिस्क सुद्धा
येते ना त्याच कामाला ?
स्वारी येई गजाननाची
ती मूषक वाहना वरुनी,
PCचा माऊस पण चाले
एका चौकोनी पॅडवरुनी !
पण
भले भले भरकटती
PCच्या मोह जालात,
एकच गणेश बुद्धीदाता
ठेवा कोरून हृदयात !
© श्री प्रमोद वामन वर्तक
१०-०९-२०२१
(सिंगापूर) +6594708959
मो – 9892561086
ई-मेल – [email protected]
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
