मराठी साहित्य – कवितेचा उत्सव ☆ कठीण होत आहे ☆ श्री नारायण सुर्वे

 कवितेचा उत्सव 

☆ कठीण होत आहे ☆ श्री नारायण सुर्वे ☆ 

दररोज स्वतःला धीर देत जगणे;

कठीण होत आहे.

किती आवरावे आपणच आपणाला;

कठीण होत आहे.

भोकांड पसरणा-या मनास थोपटीत झोपवून येतो

भुसा भरलेले भोत दिसूनही;थांबणे;

कठीण होत आहे.

तडजोडीत जगावे.जगतो:

दररोज कठीण होत आहे

आपले अस्तित्व असूनही नाकारणे;

कठीण होत आहे.

समजून समजावतो, समजावूनही नच मानलो

कोठारात काडी न पडेल,हमी देणे;

कठीण होत आहे.

© श्री नारायण सुर्वे

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈