कविराज विजय यशवंत सातपुते
कवितेचा उत्सव
☆ नर्क चतुर्दशी.. . ! ☆ कविराज विजय यशवंत सातपुते ☆
वध नरकासुराचा
आली वद्य चतुर्दशी .
पहाटेचे शाही स्नान
मांगलिक चतुर्दशी. . . . . !
अपमृत्यू टाळण्याला
करू यमाला तर्पण.
अभ्यंगाने प्रासादिक
करू क्लेष समर्पण. . . . !
नारी मुक्ती आख्यायिका
आनंदाची रोजनिशी
फराळाच्या आस्वादाने
सजे नर्क चतुर्दशी. . . . . !
एकत्रित मिलनाची
लाभे पर्वणी अवीट
गळाभेट घेऊनीया
जागवूया स्नेहप्रीत.. . . !
रोषणाई, फटाक्याने
होई साजरा उत्सव.
दारी नाचे दीपावली
मनोमनी दीपोत्सव. . . . . !
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 9371319798.
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
