मराठी साहित्य – कवितेचा उत्सव ☆ नको नको रे ज्योतिषा ☆ बहिणाबाई चौधरी

बहिणाबाई चौधरी

(११ ऑगस्ट, इ.स. १८८० – ३ डिसेंबर, इ.स. १९५१)

कवितेचा उत्सव  

☆ नको नको रे ज्योतिषा… ☆  बहिणाबाई चौधरी ☆  

नको नको रे ज्योतिषा ,

माझ्या दारी नको येऊ/

माझे दैव मला कळे,

माझा हात नको पाहू/

धनरेषांच्या च-यांनी,

तळहात रे फाटला/

देवा तुझ्याबी घरचा,

झरा धनाचा आटला/

म्हणे नशिबाचे नऊ ग्रह,

तळहाताच्या रेघोट्या,

बापा नको मारू थापा,

अशा उगा ख-या खोट्या

 – बहिणाबाई चौधरी

चित्र साभार : मराठी विकिपीडिया 

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈