प्रा. सौ. सुमती पवार
कवितेचा उत्सव
☆ एक धडा मज …. ☆ प्रा. सौ. सुमती पवार ☆
क्षणात येते क्षणात जाते लहर सुखाची
कायमची ती असेल जवळी समजत गेले…
दु:ख्ख असूनी कायम जवळी पचवत गेले
सहवासाने कायम त्याला जवळी केले ….
लळा लागला दु:ख्खाचा त्या कळले नाही
आयुष्याचा भाग तयाला समजत गेले …
आता सुखाला उरली नाही जागा जवळी
खेदाने त्या जागा सहजी भरत गेले …
कळत नाही फरक आता सुखदु:ख्खातील
अंगावरची लव जणू कुरवाळीत गेले …
सहवासाने सहजी जिरती गोष्टी सगळ्या
एक धडा मज जीवन तेव्हा शिकवून गेले …
आताच रुळले सारे संगती कळून आले
“सुखदु:ख्खे समेकृत्वा “जीवन होऊन गेले….
© प्रा.सौ.सुमती पवार
नाशिक
(९७६३६०५६४२)
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
अप्रतिम ??