महंत कवी राज शास्त्री
साप्ताहिक स्तम्भ – हे शब्द अंतरीचे # 66
☆ द्यावा घासातील घास… ☆
द्यावा घासातील घास…
खरी मानवता हीच सांगते
ओळख मनुष्याची अशीच होते.. १
द्यावा घासातील घास…
जगी अन्नमय असतो
अन्नदान उपाय, श्रेष्ठ ठरतो… २
द्यावा घासातील घास…
आत्मा तृप्त होईल
सत्कार्य सहज साधेल… ३
द्यावा घासातील घास…
परंपरा अवलोकन करा
ग्वाही देईल पूर्ण ही धरा… ४
द्यावा घासातील घास…
तोष सहज मनास होई
फुलते पानोपानी जाई-जुई… ५
द्यावा घासातील घास…
व्यर्थ द्रव्य, कुणासही न द्यावे
प्रभू चिंतन, सतत निर्भेळ करावे… ६
द्यावा घासातील घास…
राज हे उक्त केले
शब्द हे असे अवतरले
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
