श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 98 – दूर कोठेतरी ☆
दूर कोठेतरी, साद घाली कुणी ।
नाद का जाणवे , या आठवातुनी ।।धृ।।
सांग का शोधिशी, प्रेम शब्दाविना ।
भाव तू जाणले , आज अर्थाविना।
प्रितीची आस ही, दाटे डोळ्यातुनी ।।१।
भाव वेडी मने, गुंतली ही अशी।
प्रेमवेडी तने,दोन होती कशी।
मार्ग हा कंटकी, चाले काट्यातुनी ।।२।।
बंध हे रेशमी, वीण नात्यातली ।
ओढ ही मन्मनी, चाल शब्दातली ।
आर्त ही भावना, बोले काव्यातुनी ।।3।।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
