कवी राज शास्त्री
☆ साप्ताहिक स्तम्भ – हे शब्द अंतरीचे # 20 ☆
☆ मधुर बासरीचे स्वर … ☆
मधुर बासरीचे स्वर
गोकुळात घुमले
गाई वासरे गोपाल
हर्षभरीत झाले…
दूध काढता गोपिका
हात तो थांबला
डोईवर घागर पाणी
एकीचा तोल गेला…
वासरू गोंडस,
गाईस पिण्या विसरले
फक्त बासरीच्या स्वरात
स्वानंदी रममाण झाले…
अशी ही जादूगिरी
त्या मुरलीची झाली
कृष्ण वाजविता सहज
समग्र सृष्टी मोहरली…
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
