मराठी साहित्य – कवितेचा उत्सव ☆ प्रणवरहस्य !… ☆ श्रीशैल चौगुले ☆

श्रीशैल चौगुले

 कवितेचा उत्सव 

☆ प्रणवरहस्य !… ☆ श्रीशैल चौगुले ☆

पायाखालची जमीन सरता

आभाळाची आस ऊरते

दिशांचे वार्यातले घरटे

जळी श्वास कुस तरते.

क्षितीजाची काया खण-खंबीर

ब्रम्हांडाचे ध्यास धरते

वज्रातून तप्त लहरी

प्रणव तेज प्रखरते.

समुद्राची माया वाहे अनंत

शीतल शशीत भरते

अन् शलाका होता डोळे

तिमीराचे भय सरते.

 © श्रीशैल चौगुले

९६७३०१२०९०

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈