मराठी साहित्य – चित्रकाव्य ☆ – पक्षी का नक्षी… – कवी – श्रीपाद  देशपांडे ☆ प्रस्तुती – श्री सुहास रघुनाथ पंडित ☆

श्री सुहास रघुनाथ पंडित

  चित्रकाव्य  

  “ पक्षी की नक्षी ?” – कवी – श्रीपाद  देशपांडे  ☆ श्री सुहास रघुनाथ पंडित ☆

☆

ऊन सावली सुंदर नक्षी 

फांदीवर तो बसला पक्षी 

छायाचित्र हे कुणी काढले 

वळून पाहतो निरखून पक्षी —

☆

निसर्ग रचना किती मनोहर 

वसती येथे अगणित पक्षी 

सौंदर्याची जाण ना त्याला 

पंखावर ही दुर्मिळ नक्षी —-

☆

बघणार्‍याने बघत रहावे 

कुणी अचानक दृश्य टिपावे 

तोच म्हणे मी याचा साक्षी 

सावली मधून ही बनते नक्षी —-

☆

एकच फांदी एकच पक्षी 

निसर्ग असे जो त्यांचा साक्षी 

ऊन कोवळे कोवळी पाने 

त्यातून इतकी सुंदर नक्षी —-

☆

वर्णन करण्या शब्द अपुरे 

इतका सुंदर दिसतो पक्षी 

सुंदरता हा निसर्ग देतो 

आपण व्हावे त्याचे साक्षी —

☆

         (हा फोटो ज्याने कुणी काढला त्याचे मनःपूर्वक अभिनंदन व आभार) 

कवी – श्रीपाद देशपांडे 

© श्री सुहास रघुनाथ पंडित

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈