मराठी साहित्य – चित्रकाव्य ☆ अशीच घडू दे सेवा… ☆ श्री आशिष बिवलकर ☆

श्री आशिष  बिवलकर

  चित्रकाव्य  

– अशीच घडू दे सेवा…–  ☆ श्री आशिष  बिवलकर ☆

☆

तुला रंगवता  रंगवता,

तुझ्या रंगात  रंगलो |

एकरूप तल्लीन होऊन,

तुझ्या भक्तीत दंगलो |

☆

साकरली मूर्ती,

फिरवतोय शेवटचा हात |

होशील विराजमान,

घरोघरी अन् मंडपात |

☆

माझ्या कार्यशाळेत,

थोडासाच उरला मुक्काम |

आशिर्वाद तुझे,

मनी भाव असुदे निष्काम |

☆

पार्थिव मूर्ती तुझी,

सर्व विघ्नहर्ता तुझे नाम |

तुला साकारायचे,

या हातांना मिळते काम |

☆

लंबोदर जरी तू असलास,

तुझ्या कृपेने चाले उदरभरण |

अन्नदाताच तू आमचा,

आलो सद् भावे तुझं शरण |

☆

एक सामान्य मूर्तीकार मी,

विनवतो पोटी घे प्रमाद  |

अशीच घडू दे हातून सेवा,

असाच राहू दे कृपा आशिर्वाद |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈