सुश्री नीलांबरी शिर्के
चित्रकाव्य
– सलाम – कष्टाला अन जिद्दीलाही… – ☆ सुश्री नीलांबरी शिर्के ☆
☆
शरिरावर दिसताहेत
कष्टाच्या खाणाखुणा
रानावनात काम करतो
कसं म्हणावं म्हातारपणा !
☆
होडी घेऊन जंगलात जाई
अडचणीतून वल्हवत नेई
वल्हवायाला जोर लागतो
सवयीने तो आपसूक येई ।
☆
हिंडून हिंडून फळे गोळा
घरातल्यांना घालायाला
जिद्द तरुणाची घेउनच
करतो सारी हिंमत गोळा ।
☆
तरूणाला लाजवेल
असं काम जो करतो
दिसायला म्हातारा जरी
तरूणाईचे काम करतो ।
☆
त्याच्या कष्टाला सलाम
वयाच्या जिद्दीला सलाम
निसर्गाचे सानिध्य मिळत
थकलेपणा गेला दूर लांब ।
☆
दया याची येत नाही
कौतुक मात्र वाटत राही
कष्ट करून जगणारा हा
निसर्गात एकरूप होई ।
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
