सुश्री उषा जनार्दन ढगे
चित्रकाव्य
– गुंज – ☆ सुश्री उषा जनार्दन ढगे ☆
☆
☆
थांबली जराशी तरुपाशी
घेण्यास क्षणभर विश्रांति
मनांत खळबळ विचारांची
मागे पाश हे कोणते ओढती ?
☆
डोईवर नीळे अंबर खुले
सूचित स्पंदन थबकले
पर्ण पालवीच्या हिरवाईतून
नकळे कोणते गुपित दडले ?
☆
घनसावळे मेघ कधीतरी
आभाळात दाटूनी आले
मूक संवाद..अलवार स्पर्श
हितगुजात तन रोमांचले..
☆
भिजविले होते त्या अश्रूंनी
रुक्ष सुक्या पाचोळ्यासी
भारावली भावना ऋतूगानी
उन्मिळले स्वप्नपाकळ्यांसी..!
☆
चित्र साभार – सुश्री उषा जनार्दन ढगे
© सुश्री उषा जनार्दन ढगे
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
