श्री आशिष बिवलकर
चित्रकाव्य
– बिचारा माऊस – ☆ श्री आशिष बिवलकर ☆
☆
कॅमेरा समोर नाचावे,
प्रत्येकाला आगळी हौस |
अपवाद नाही त्याला,
काय करेल बिचारा माऊस |
☆
एक फोटो काढून घ्यावा,
उंदराने केला विचार छान |
फोटो स्टुडीओत घुसला,
बोकोबाचेच होते ते दुकान |
☆
बोकोबा हसून म्हणाला,
उंदीरराव छान द्या स्माईल |
थोडया वेळात तुमचे,
छान स्मारक इथेच होईल |
☆
उंदीर आणि मांजराचे,
दिसायला जरी आहे हे चित्र |
त्यातला उंदीर आपण,
टपलेला काळ बोका विचित्र |
☆
धोक्याच्या ठिकाणी,
सेल्फी काढण्याचा आवरेना मोह |
काळ रुपी बोका,
क्षणात फस्त करून टाकतो देह |
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
