मराठी साहित्य – चित्रकाव्य ☆ अंधाराचा कावा… ☆ सुश्री नीलांबरी शिर्के ☆

  चित्रकाव्य

☆

अंधार वाढतो आहे

नीत डोळे उघडे ठेवा

भिववितो बंद डोळ्यांना

तो अंधाराचा  कावा  – –

*

बंद पापण्या आत

स्वप्नांचा असतो गाव

कणभरही भीती नसते

धाबरण्या नसतो वाव – – 

*

अंधारी  डोळे मिटले

 मन बागलबुवा होते

 मग उगा भासते काही

 जे अस्तित्वातच नसते – – 

*

 सरावता अंधारा डोळे

 अंदाज बांधता येतो

 अंधारात वावरायाला

 तो साथ आपणा देतो – –

*

  अंधार भोवती फिरतो

  वेगळाली घेऊन रूपे 

  हिमतीचा प्रकाश असता

  होते मग सार सोपे – –

☆

©  सुश्री नीलांबरी शिर्के