सुश्री नीलांबरी शिर्के
चित्रकाव्य
☆ असेही एक गाढव… ☆ सुश्री नीलांबरी शिर्के ☆
☆
खाजगी क्षेत्रात काम करता
आपोआप आपले होते गाढव
कामाचा बोजा वाढत जाता
जगण होऊन जातं बेचव
*
बाॅसच्या अपेक्षांची शिडी
दिवसेंदिवस वाढत जाते
खाली मान घालून काम करणे
असेच आपसूक घडत जाते
*
बंगला होतो गाडी येते
कापड चोपडासह अंगी भारी साडी येते
मिळवायचं ते मिळवून होतं
टिकवण्यास्तव लढाई चालूच रहाते
सुखनैव जगायचे तेवढे राहून जाते
*
सतत मनाची ओढाताण
शरीर थकते नसते भान
गाढव होऊन ओझे वहाता
स्वतःसाठी किती जगतो. .
याचे रहात नाही भान
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
