श्री प्रमोद वामन वर्तक
चित्रकाव्य
☆ 
बोगनवेल ! ☆ श्री प्रमोद वामन वर्तक ☆
☆
असे दुनिया रंगीत माझी
दुरून जणू कागदी वाटे,
नसे मज कुठला सुवास
फुलांपेक्षा अंगभर काटे !
☆
शोभा वाढवी कुंपणाची
राखण गुराढोरांपासून,
नको जवळीक माझ्याशी
काटे काढतील सोलून !
☆
दिसती पाकळ्या शोभून
माझ्या एखाद्या हारात,
वाढे सुंदरता कुणा घरची
कमान करता गवाक्षात !
☆
नको मज जादा निगराणी
वाढीस पुरे थोडसं पाणी,
जरी नसले फुलांची राणी
नयन सुखावती रंग झणी !
☆
© प्रमोद वामन वर्तक
ठाणे.
मो – 9892561086
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
