श्री आनंदहरी
कवितेचा उत्सव
☆ कसा जाऊ सांग आता… ☆ श्री आनंदहरी ☆
☆
पडेना हे पाऊल पुढे
जगणे भार होई गं ss
कसा जाऊ सांग आता
विठ्ठलाच्या पायी गं ?…।।
*
काळजात अद्वैती तो
गळाभेट नाही
रूप साजिरे पाहण्यासी
मन ओढ घेई
किती वाट पाहू आता
जीव तुटत जाई गं ss।। १ ।।
*
त्याला आस नाही उरली
माझिया भेटीची
वेळ झाली वाटे आता
ताटातुटीची
डोळ्यांमध्ये त्याच्यासाठी
आसवांची राई गं ss ।। २ ।।
© श्री आनंदहरी
इस्लामपूर जि. सांगली – मो ८२७५१७८०९९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
