श्रीमती उज्ज्वला केळकर
जीवनरंग
☆ अज्ञात ग्रहाचे रहस्य – भाग 1… (भावानुवाद) – श्री सुशांत सुप्रिय ☆ श्रीमती उज्ज्वला केळकर ☆
(अज्ञात ग्रहाचे रहस्य ( हिन्दी कथेचा अनुवाद))
रात्री सगळी निजानीज झाल्यावर राणी अल्पना चावला, कमांडर भरत यांना भेटण्यासाठी त्यांच्या शयनकक्षात पोचली. भरतने विचारले, ‘आपल्याला कधी पृथ्वीची आठवण येत नाही.?’
‘येते तर… पण आता मी इथे राणी बनले आहे. आणि सुखी आहे.’ अल्पना चावलाने उत्तर दिलं.
यावर कमांडर भरत ने तिला विचरलं, ती पृथ्वीवर परत येऊ इच्छिते का?’ भरल्या डोळ्यांनी राणी अल्पना चावलाने पृथ्वीवर परतायला नकार दिला. ती म्हणाली, ‘मी इथे खूश आहे. आता माझी नियती या ग्रहाच्या महिलांशी जोडलेली आहे. कमांडर भरत, आपण मला माझ्या या जगात सोडून परत जा.’
रात्रीच्या आंधारात राणी अल्पनाच्या मदतीने कमांडर भरत राणीचा निरोप घेऊन आपल्या छोट्या अंतरीक्ष यानातून परत गेले. कमांडर भरतचं ते छोटंसं अंतरीक्ष यान उडालं आणि या ग्रहाच्या कक्षेत फिरणारे मोठे अंतरीक्ष यान’ ‘ इंडियाना -2 ‘शी जोडलं गेलं॰‘ इंडियाना -2मध्ये असलेल्या अंतरिक्ष-यात्रींनी कमांडर भरत आणि अपले अन्य सहयोगी यात्री सुरेंद्र कुमार यांचं स्वागत केलं॰
कमांडर भरत विचार करत होते. या ग्रहाबद्दल आपाल्या केंद्राला काय सांगायचं? वस्तुस्थिती सांगितली, तर, एक नवा ग्रह शोधल्याचे श्रेय त्याला मिळेल, पण त्याचबरोबर इतर राष्ट्रांची यानेसुद्धा धडाधड या ग्रहाकडे धाव घेतील. इथल्या जमिनी आपल्या मालकीच्या करून घेतील. इथली नैसर्गिक साधन सामग्री ओरबाडून नेतील. इथे सुरळीत चाललेलं शांत, निवांत जीवन विस्कटून जाईल. नकोच ते! याबद्दल काही बोलूयातच नको.
श्रीहरिकोटाशी संपर्क झाल्यावर कमांडर भरत ने त्यांना संगितले, ‘या ग्रहावर धोकादायक एलियंस‘चा निवास आहे. ते मला बंदी बनवणार, इतक्यात मी तिथून पळून येण्यात यशस्वी झालो. आपलं पहिलं अंतरीक्ष यान’ ‘ इंडियाना – १ मधील प्रवाशांना कदाचित् त्यांनीच मारून टाकलं असेल. ग्रहाच्या जमिनीवर अंतरीक्ष यान’ ‘ इंडियाना – १ चा नामोनिशाणही दिसलं नाही. हा ग्रह आपल्याला राहण्यासाठी उपयुक्त नाही.’
अंतरिक्ष-यान ‘ इंडियाना-2 ‘ पुन्हा आपल्या सौर-मंडळ आणि आपल्या पृथ्वीच्या दूरवरच्या कठीण प्रवासासाठी उडत राहिलं,
या अनोळखी, अज्ञात ग्रहाचे रहस्य पृथ्वीवर रहाणार्या लोकांसाठी नेहमीसाठी रहस्यच बनून राहिलं
मूळ कथा – अज्ञात ग्रह का रहस्य मूळ लेखक – श्री सुशांत सुप्रिय
अनुवाद – श्रीमती उज्ज्वला केळकर
संपर्क – 176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
