सुश्री प्रभा सोनवणे
कवितेच्या प्रदेशात # 190
☆ गुरूवंदना… ☆ सुश्री प्रभा सोनवणे ☆
☆
माझी गुरूमाय कलावती गं माऊली
किती दुःखी कष्टी मन आई सुखाची सावली!
☆
लाभे निरंतर छाया,दूर पळे कासाविशी !
आई तुमच्या कृपेची होऊ उतराई कशी?
☆
आई मायेचा सागर कधी आटतच नाही
माझी झोळी जडशीळ तरी फाटतच नाही!
☆
मूढ मी लेकरू अन आई अगाध अमोल
त्यांचे उपकार माझ्या आत हृदयात खोल!
☆
भोळा भक्तिभाव माझा पायी तुमच्या अर्पण
व्हावा उभा जन्म माझा तुमच्या भक्तिचाच सण!!
☆
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
