सुश्री प्रभा सोनवणे
कवितेच्या प्रदेशात # 252
☆ मुक्त मनोमनी झाले… ☆ सुश्री प्रभा सोनवणे ☆
☆
किती मांडले हे
जिण्याचे पसारे
नसे मुक्तता यातूनी…
हवे जे मिळेना,
नको ते पुढे ठाकले !
*
नियती— नशीब
प्रारब्ध– प्राक्तन
किती शब्द शोधीत,
स्वीकारून सारे—
आयुष्य हे सोसले !
*
जगरहाटी चालूच आहे ,
जरासे मनासारखे
वागले…
गुंतले जरी या,
पसार्यात साऱ्या,
मुक्त मनोमनी जाहले !
☆
© प्रभा सोनवणे
७ डिसेंबर २०२४
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- sonawane.prabha@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
