वाचताना वेचलेले
वजनकाटा ठेवला झाकून… – कवी : अज्ञात ☆ प्रस्तुती – सौ. प्रज्ञा गाडेकर
☆
उन्हाळ्याच्या सुरुवातीला खायची ओल्या काजूची उसळ….
चव बदलायला कधी तरी लागते मग मिसळ….
रसरशीत बिटक्या चोखताना तोंड जातंय माखून…
वजनकाटा २ महिन्यासाठी ठेवला आहे झाकून..
कैरीची डाळ आणि झकास पन्हं थंडगार….
रात्री पण आइस्क्रीमचा मारा चाललाय फार…..
व्यायाम करायचा निश्चय केलाय सोमवार पासून…
वजनकाटा २ महिन्यासाठी ठेवला आहे झाकून..
करवंद जांभळे कलिंगड
खावी ताव मारून….
फणसाचे गरे आणि सांदण जरा थोडी जपून…
रिचवावा पायरीचा रस आणि हापूस थोडा कापून…
वजनकाटा २ महिन्यासाठी ठेवला आहे झाकून..
आमरस पुरीचं जेवून करतो थोडा आराम…
वजन कमी करण्यासाठी
कोणते करू मी व्यायाम…
हाताची बोटं पायांच्या बोटाला टेकतात अजून वाकून..
वजनकाटा २ महिन्यासाठी ठेवला आहे झाकून..
☆
कवी: अज्ञात
प्रस्तुती: सौ. प्रज्ञा गाडेकर
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
