सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 14 ☆ प्रस्तुति – सुश्री प्रेमा माधव कुलकर्णी ☆
[२१]
माझी नौका मला हाकारलीच पाहिजे
हाय रे दैवा!
किनाऱ्यावरचे ते सुस्त क्षण!
धरती पुष्पमय करून वसंताने
आपले काम केले आहे आणि
या कोमेजलेल्या निष्प्राण फुलांचे ओझे घेऊन
मी मात्र आळसावून थांबलो आहे.
लाटांचा खळखळाट वाढला आहे
किनाऱ्यावरच्या सावलीत
पिवळी पानं साद घालीत गळतायत
अरे! कुठल्या पोकळीत टक लावून बसलास?
दूरच्या किनाऱ्यावरून ऐकू येणाऱ्या
गीतांच्या ओळी तुला
भारून टाकीत नाहीत काय?
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
