श्रीमती उज्ज्वला केळकर
वाचताना वेचलेले
☆ अप्रूप पाखरे – 20 – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[९७]
दीर्घ समुद्रप्रवास
तसं हे जीवन
भेटतो आपण
एखाद्या लहानशा गल्बतात
आणि
किनार्‍याला लागावं
तसा येतो मृत्यू…
आपआपल्या जगात
निघून जातो आपण
[९८]
मृत्यूचाही
जीवनावर
तितकाच अधिकार आहे
जितका जन्माचा.
चालणं जसं
पाऊल उचलण्यात असतं
तितकंच ते
पाऊल ठेवण्यातंही
असतंच.
[९९]
स्वप्न म्हणजे बायको
अखंड बडबडणारी
झोप म्हणजे नवरा
सदैव गप्प बसणारा
[१००]
इवल्याशा गवतफुलाचे
थरथरते शब्द
फडफडत आले,
‘तुझी पूजा
करायची आहे मला
सहस्त्ररश्मी सूर्यदेवा
कोणत्या शब्दांनी
करू रे?’
‘नि:शब्दतेने कर.
तुझ्या सच्चेपणाच्या
साध्या- सरळ-
निरागस नि:शब्दतेने !’
आश्वासक शब्द
उजळत ….. उजळवत आले.
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
