श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 88 ☆
☆ वांझोटी ☆
जन्म नाही दिला तिनं
तरी तीच माझी आई
अनाथाला ही पोसते
आहे थोर माझी माई
काही म्हणतात तिला
आहे वांझोटी ही बाई
त्यांना बाई म्हणायला
जीभ धजावत नाही
बाळ श्रावण होण्याचं
स्वप्न पाहतोय मीही
त्यांना डोईवर घ्यावं
फिराव्यात दिशा दाही
मुक्ती मिळूदे मजला
त्यांच्या ऋणातून थोडी
त्यांच्या पायात असावी
माझ्या कारड्याची जोडी
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
