श्री प्रमोद वामन वर्तक
चित्रकाव्य
☆ निळ्या ओळी आणि क्रूस ! ☆ श्री प्रमोद वामन वर्तक ☆
☆
काही उतरता मनातलं
सरळ निळ्या ओळींवर,
होतो एक कोपरा रिता
ठसठसणारा कागदावर !
*
मग वाटे मम मनाला
ते झाले हलके पिसापरी,
पडता बाहेर साऱ्या वेदना
ज्या जपल्या होत्या उरी !
*
पण येई उगाच मनात
विचार निळ्या ओळींचा,
होत असेल का त्रास
त्यांना माझ्याच वेदनांचा ?
*
पण विचार करता पटले
जो तो भोग घेऊन जन्मतो,
वाटले जरी मजला वाईट
जो तो आपला “क्रूस” वाहतो !
जो तो आपला “क्रूस” वाहतो !
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
