श्री शरद कुलकर्णी
कवितेचा उत्सव
☆ तुझी सावली… ☆ श्री शरद कुलकर्णी ☆
☆
झाले तुझी मी सावली
उन्ह बिलगता देही.
वनवासी प्रभूसाठी
मी होईन वैदेही.
*
वेणू मुखातील तुझ्या
मी आनंदे होईन.
नात्या पल्याडची तुझी
राधा होउन राहीन.
*
जन्मोजन्मीचे मैत्रेय
स्वप्न घेउन पाहीन.
तुला भेटण्यासाठी प्रिय
जन्म पुन्हा मी घेईन.
☆
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
