सुश्री शोभा जोशी
इंद्रधनुष्य
☆ “हुतात्मा राजगुरू…” – माहिती संग्राहक : अज्ञात ☆प्रस्तुती – सुश्री शोभा जोशी ☆
पंजाबमधील लोकांच्या जागृतीमुळे, आपल्याला भगतसिंहांबद्दल त्रोटक तरी माहिती असते..!!
परंतु “राजगुरू” मराठी असूनही, आपल्याला त्यांची माहिती चार वाक्यांपलीकडे सांगता येणार नाही..!!
ही काय दर्जाची उपेक्षा. म्हणायची..??
या महायोद्ध्याला तर चित्रपटातही विनोदी पात्र बनून राहाणेच नशिबी आले..!!
मूळचा खेड (राजगुरुनगर) येथील असलेला हा तरुण, स्व-कर्तृत्वाने काशीला संस्कृतचा पंडित बनला होता..!!
ते इतके निष्णात होते की, संस्कृतमधून सहज संभाषणसुद्धा करीत असत..!!
कुस्तीत देखील त्यांचा हात धरणारा कुणीच नव्हता..!!
नेमबाजीतही ते शब्दवेधी होते..!!
एवढेच नव्हे तर उताणे झोपून, पाठीमागे असलेले लक्ष्यही, ते बाणाने सहज उडवित (कधीतरी प्रयत्न करा, मग कळेल ही गोष्ट किती अवघड आहे ते..!!)
स्वत:स कणखर बनविण्यासाठी रात्रीतून धावत-धावत १५-२० मैलांवरील स्मशानात जात, तेथील विहिरीत पोहत असत आणि तशीच दौड करीत पुन्हा येऊन झोपत, इतका त्यांचा दम (स्टॅमिना) होता..!!
तासनतास मुंग्यांच्या वारुळावर बसून दाखवत आणि दंश झाले तरीही चेहे-यावरील रेषही न हलवता..!!
एकदा तर राजगुरुंनी एक जळती चिमणी एका हाताने दाबून फोडली, लोखंडी सांगाड्याचाही पार चुरा केला.. हे करतांना हात भाजला, काचांनी रक्तबंबाळ झाला तरीही त्यांनी हुं की चूं देखील केले नाही..!!
आणि आता त्याहूनही मोठी गोष्ट सांगतो..!!
साँडर्स आपल्या टप्प्याबाहेर आहे, त्याला गोळी लागणे शक्य नाही अशी भगतसिंहांना शंका वाटत होती, परंतू राजगुरूंनी मात्र भगतसिंह नको नको म्हणत असतानाही, तितक्याच अंतरावरून चालवलेली गोळी साँडर्सच्या दोन भूवयांच्या बरोब्बर मधोमध कपाळातून आरपार गेली..!! त्यांना परत लक्ष्याकडे पाहायचीही आवश्यकता भासली नाही..!! (ऑलिम्पिक सुवर्णपदकाच्याही वरची कामगिरी होती ही..!!)
विश्वास न बसून भगतसिंहांनी नंतर त्या प्रेताला जवळून आठ गोळ्या मारल्या..!! असे होते राजगुरू..!!
हुतात्मा स्वातंत्र्यवीर मर्द मराठी वीर राजगुरु यांना त्रिवार मानाचा मुजरा आणि विनम्र अभिवादन..!!
माहिती संकलक: अज्ञात
प्रस्तुती : सुश्री शोभा जोशी
कार्यकर्ती, जनजाती कल्याण आश्रम, पुणे महानगर.
मो ९४२२३१९९६२
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
