डाॅ. निशिकांत श्रोत्री
इंद्रधनुष्य
☆ अनंत स्तोत्र ☆ डाॅ. निशिकांत श्रोत्री ☆
☆
मार्ग दावी रे अनंता | आज येथे ऐसे भ्रमिता ||
अंधःकारी बुडून जाता | दिशा काही दिसेना ||१||
*
कोण आम्ही कोठुनि आलो | आज येथे ऐसे अडलो ||
काय फळाची आशा राहो | बूज ती राहीना ||२||
*
धरणीखाली बीज सापडे | जळे वेढुनि त्यास टाकिले ||
जगतासाठी जीवन दिधले | तुझियाचि कृपे ||३||
*
बघता बघता अंकुर आला | डोकावूनिया पाहू लागला ||
मार्ग आपुला शोधु लागला | सूर्यप्रकाशी ||४||
*
दिधले जीवन आदिपासुनी | ठेवुनि त्याची जाण ही मनी ||
घट्ट धरुनिया धरणी ठेवी | मुळीया रूपे ||५||
*
परोपकारी धरणीचा हा | वसा घेतला वृक्षलतांनी ||
फळे अर्पुनी जगतासाठी | कृतार्थही जाहले ||६||
*
दिशा दाविशी रे अनंता | तृणांकुरांना पशुपक्षांना ||
पोरकाच मग मानवचि का | चाचपडे तिमिरी||७||
*
कळत असूनि असा राहिलो | वळता नचही ताठ राहिलो ||
स्वार्था धरुनी अंध जाहलो | असा या जगी ||८||
*
परमार्थाची आस लागली | मोहाची पण भूलचि पडली ||
मजविण दृष्टी आड जाहली | काही कळेना ||९||
*
धाव धाव रे भगवंता | कृपाळू होऊन अनंता |
सोडव यातुनिया निशिकांता | तेजा तव दावून ||१०||
☆
© डॉ. निशिकान्त श्रोत्री
एम.डी., डी.जी.ओ.
मो ९८९०११७७५४ ईमेल nishikants@gmail. com
≈संस्थापक संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
