सौ. वृंदा गंभीर
कवितेचा उत्सव
☆ आईचे उपकार… ☆ सौ. वृंदा गंभीर ☆
☆
एक दिवस मातृदिन साजरा करून सिद्ध होई मातेचे प्रेम
मनी कुठला भ्रम ठेऊनी साजरा करतो हा दिन
आई च्या सुंदर संस्कारातच असतो हो राम
आई ला क्षणाक्षणाला द्यायला हवा मान
*
आई असते संस्काराची शिदोरी छान
आई मुळेच मिळतो समाजात मान
तिच्यात असते ईश्वराची छाया अन माया
आई चं असते घडवणारी आयुष्याची शान
*
आईविना घर असतं सुनं सुनं आईविना अंधाराचं जीणं
लेकीला आईची कूस वाटे गोड आईविना माहेर नसे गोड
आईला वंदन करते कोटी कोटी
जन्मदेऊन केल्या जगाच्या भेटी
*
आईची जागा हृदयात ठेवा नको वृद्धाश्रमात
एक दिवस साजरा करून फिटत नाही तिचे पांग
आई असेलतर घर कसे राहते आनंदात
तिच्या उपकारांची असते जीवनात रांगच रांग
*
आईचे उपकार कुणीच फेडू शकत नाही
कताड्याचे जोडे केले तरी ऋण फिटत नाही
तिला असते फक्त दोन प्रेमळ शब्दाची अशा
तिला फक्त समजते प्रेमाची भाषा
☆
© सौ. वृंदा पंकज गंभीर (दत्तकन्या)
न-हे, पुणे. – मो न. 8799843148
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
