श्रीशैल चौगुले
कवितेचा उत्सव
☆ सुंदर विठ्ठल… ☆ श्रीशैल चौगुले ☆
☆
कैसी रे सुंदर ऐसीया रे मुर्ती
विश्वाला रे स्फूर्ती जन्म-मोक्ष.
कुणी केला ऊभा पंढरी भुलोकी
विटेवरी सुखी पांडुरंग.
ऐसीया रे वर्ण सावळा रे काळा
विष्णूच रे भोळा जणू तोची.
धन्य-धन्य भक्त मायावीचा देव
नेत्र स्तब्ध भाव तेजस्वीत.
काय थाट-माठ जप पुजा-पाठ
चंद्रभागे काठ अभंगात.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
