सौ. शुभदा भास्कर कुलकर्णी (विभावरी)
कवितेचा उत्सव
☆ | पंढरीची वारी | ☆ सौ. शुभदा भा. कुलकर्णी (विभावरी) ☆
☆
पाऊले चालती माऊलीसांगाती
पंढरीच्या वाटे आनंद किती
*
विठ्ठल विठ्ठल मुखे घेती नाम
तोची एक असे सुखाचिये धाम
*
विठ्ठल विठ्ठल करिती गजर
विसरला सारा संसाराचा भार
*
सांभाळ माऊली तुची सर्व पाही
देई मज आता सुखाची साऊली
*
शिणली पाऊले परि वाट चाले
कळस दर्शन घडावे म्हणून
*
हात जोडोनिया मिटताच डोळे
पांडुरंग उभा रखुमाई सवे
*
भेटतसे हरी मनी जीवेभावे
अंधार सरला प्रकाश जाहला
*
हरि पांडुरंगा तारुन नेई बा
संसार सागरी घडावी ही वारी
*
दर्शनाची आंस मज लागतसे
आणिक मागणे नाही दुजे काही
*
फिरतो माघारी आनंदे संसारी
मनं तुझ्या पायी जरि वाहिलेले
💦🌨️
© शुभदा भा.कुलकर्णी (विभावरी)
कोथरूड-पुणे.३८.
मो.९५९५५५७९०८
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
