सौ. वृंदा गंभीर
कवितेचा उत्सव
☆ तुझ्या रंगात रंगले… ☆ सौ. वृंदा गंभीर ☆
☆
प्रेम केले तुझ्यावर
तुझ्या रंगात रंगले
प्रीती जडली माझ्यावर
भान हरपून तुझ्यात रमले….. 1
*
बहरली प्रीत दोघांची
जग हर्षाने पाहू लागले
एक होताच जीवनाची
सुखी स्वप्न मी पाहिले….. 2
*
कसे कुठे फुटले अंकुर
कधी नजरानजर झाली
तूच घालतो प्रेमाची फुंकर
जणू प्रेम रंगात न्हाली……. 3
*
सांजवेळी वाट पहाते
नटून थटून दारी बसते
तुला बघताच गोड हसले
तुझ्या रंगात रंगले…….. 4
*
मन माझे मोहून जाते
तुला पाहताना प्रिया
चंद्र तू चांदणी मी तुझी
एकमेका साथ ही प्रिया….. 5
☆
© सौ. वृंदा पंकज गंभीर (दत्तकन्या)
न-हे, पुणे. – मो न. 8799843148
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
