सुश्री वर्षा बालगोपाल
कवितेचा उत्सव
☆ मराठीची खंत.. ☆ सुश्री वर्षा बालगोपाल ☆
☆
अभिजात मी मराठी
ज्ञानेशाची मी जननी
अमृताते पैजा जिंके
माधुर्याची मी अवनी ||
*
शारदेची मी तनया
बाकी भाषांची भगिनी
मावशांसाठी व्हा प्रेमळ
का जाता मज त्यजूनी||
*
केले साबीत स्वतःला
तरी का अवहेलना
बोलताना ही मराठी
कमीपणा वाटे जना||
*
कारण ते खजिलतेचे
मी नसावे वाटे मना
हर मातेचे हे विचार
माझ्या बछड्यांनो जाणा||
*
दुसऱ्या भाषांची सक्ती
जेव्हा करता ना तुम्ही
मनातूनी मज वाटे
धाडले हो वृद्धाश्रमी||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
