प्रा. सौ. सुमती पवार
कवितेचा उत्सव
☆ सेल्फी… ☆ प्रा. सौ. सुमती पवार ☆
☆
सेल्फी म्हणताच माझ्या ओठांवर येते हसू
जाड नाक जाड ओठ सेल्फीत कसे दिसू?
तोंड वेंगाडलेले नि पार विचका मुखाचा
आला आठव कुणाला सेल्फीच्या या दु:खाचा…
*
काही तरीच नाटके जरी दिसती फाटके
सेल्फीत दिसती हो सारे नक्टे बसके विचके
वेड इतके लागले कसे हो मृत्यूलाच निमंत्रण
नाही मनावर ताबा जरा नाही नियंत्रण..
*
कुणी दिसतंच नाही सेल्फी मध्ये छान छान
चेहरा दिसतो फाटका जाडजूड दिसते मान
फार फार हौशी हो लोक ठार वेडे झालेत
कुठे ही जा परक्या जागी तिथे सेल्फी काढायलेत..
*
किती मेले आता पावेतो कड्यावरून दरीत
समुद्रात बुडालेत किती अगणित नाही माहित
बुडतो, पडतो, मरतो माहित आहे जगास साऱ्या
पुन्हा पुन्हा करतात तरी का मृत्यू दारीच्या वाऱ्या…
☆
© प्रा.सौ.सुमती पवार
नाशिक
मो. ९७६३६०५६४२; ईमेल – svpawar6249@gmail.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
