श्री अनिल वामोरकर
कवितेचा उत्सव
☆ अगोचर… ☆ श्री अनिल वामोरकर ☆
☆
सगुणात नाही
म्हणोन का दु:खासी थारा
दिसतो का कधी कुणा?
तरी वाहतोच की रे वारा….
*
वा-यापरी आहे
सर्वत्र मी व्यापलेली
वा-यासमान समदृष्टी
मज सान-थोर ना कुणी….
*
नकोच शोधू तू मला
आता इथे तिथे, कुठेही
प्रसन्न मी तूझ्या भक्तीवर बाळा,
सदैव तूझिया हृदयी राही….
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
