डाॅ. निशिकांत श्रोत्री
कवितेचा उत्सव
☆ राज कपूर… ☆ डाॅ. निशिकांत श्रोत्री ☆
(राजकपूर जन्मदिनानिमित्त)
☆
कलेसी बहार आणी तो दुजा तर नाही कोणी
राज कपूर तो जानी अंतर्यामी हिंदुस्थानी ||ध्रु||
*
तहान वात्सल्याची जीवा प्रेमाची मायेची
वाट जीवना संस्काराची ना केवळ नात्याची
द्याया संदेश हंसवूनी येई आवारा घेउनी
राज कपूर तो जानी अंतर्यामी हिंदुस्थानी ||१||
*
देश ग्रासला बेकारीने शिकलेला भरडला
धनाढ्य लुच्चे लोभी फसवित दीनांना दुबळ्यांना
दावूनिया चारसोबीसी केले सकल जनांना ज्ञानी
राज कपूर तो जानी अंतर्यामी हिंदुस्थानी ||२||
*
मुखड्यामागे पाप धनाच्या तहानल्या ना पाणी
काळा पैसा खोट्या नोटा कोण गुन्ह्याचा धनी
करुनि सर्वांना सावध जागते रहो सांगूनी
राज कपूर तो जानी अंतर्यामी हिंदुस्थानी ||३||
☆
कवी : © डॉ. निशिकान्त श्रोत्री
एम. डी. , डी. जी. ओ.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
