सौ. गौरी गाडेकर
कवितेचा उत्सव
☆ समरूप… ☆ सौ. गौरी गाडेकर ☆
☆
प्रिय गौरी,
माझं पत्र पाहून तुला वाटेल नवल
आधी न कळवता सदा मी जातो जवळ
*
पण तुझी गोष्ट वेगळी तू आहेस खास
म्हणून हे पत्र लिहिण्याचा मी केला प्रयास
*
कधी कसा अचानक मी हळूच येईन
आणि तुला माझ्यासवे अलगद उचलून नेईन
*
आई-बाबा, इतर जिवलग स्वागताला सारे
आनंदित होतील तुला पाहून भेटून सारे
*
कधी न्यायचं तुला ते मलाच नाही ठाऊक
एकच जीव न्यायचा की जीव न्यायचे घाऊक
*
तोवर तू इकडची आवराआवर करून ठेव
नात्यांमध्ये गुंतला जीव अलगद सोडवून ठेव
*
आता घोळ घालू नकोस ठरव प्राथमिकता
एवढं लिहून निरोप घेतो – तुझा मुक्तिदाता
☆
© सौ. गौरी गाडेकर
संपर्क – 1/602, कैरव, जी. ई. लिंक्स, राम मंदिर रोड, गोरेगाव (पश्चिम), मुंबई 400104.
फोन नं. 9820206306
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
खूपच सुंदर कविता गौरी ताई!